12 сакавіка ў школе-інтэрнаце для навучэнцаў 1-5 класаў з мэтай развіцця творчых і пазнавальных здольнасцей адбылася гульнявая праграма “Міс Дзюймовачка і містэр Эльф”.
На конкурсе гледачам трэба было пазнаёміцца з чароўнымі парамі, а потым вызначыць сярод іх галоўных пераможцаў. Кожную з пар сустракалі пад музыку і гучныя апладысменты. У першым конкурсе балельшчыкі даведаліся шмат цікавай інфармацыі аб канкурсантах з відэаролікаў, якія яны папярэдне падрыхтавалі са сваімі бацькамі і педагогамі на суд гледачоў і журы.
Візітная картка стала адным з найбольш яркіх конкурсаў. Бо за кароткі час трэба было арыгінальна прадставіць аповед пра сябе., падкрэсліць свае цікавыя асаблівасці. Далей за ўсіх чакалі разнастайныя творчыя заданні, віктарыны, шарады. Не сумавалі і гледачы, для якіх падрыхтавалі шмат вясёлых конкурсаў і гульняў. Пад музыку яны малявалі розных персанажаў., дэманстравалі свае здольнасці ва ўменні правільна звяртацца з жаночымі аксэсуарамі.
Журы чакала цяжкая задача вызначыць пераможцаў. Але ўсё ж аднагалосным рашэннем, пасля падліку балаў месцы размеркаваліся наступным чынам:
галоўную перамогу і тытул
“Міс Дзюймовачка і містэр Эльф”
прысудзілі пары – Уладзіслаў Маеўскі і Сяргейчык Аляксандра
——————–
намінацыя “Самая дружная пара”
Рагоўскі Максім і Цяпцікава Майя
——————–
намінацыя “Самая абаяльная пара”
Дзмітрый Каржоў і Рыяна Роскач
——————–
намінацыя “Самая артыстычная пара”
Ян Бабужаў і Вераніка Казарэз
ВІНШУЕМ, ХЛОПЦЫ!
