20 красавіка на тэрыторыі Бабруйскай крэпасці прайшоў гарадскі конкурс «Краязнаўчае арыентаванне», у якім прынялі ўдзел выхаванцы школы-інтэрната. Яго арганізатары - аддзел адукацыі Бабруйскага гарвыканкама і Цэнтр турызму, краеведения и экскурсий детей и молодежи. Мерапрыемства было прысвечана 200-годдзю пачатку будаўніцтва Бабруйскай цытадэлі..
«Краязнаўчае арыентаванне» — конкурс пазнавальны і рухомы. Яму папярэднічала вялікая падрыхтоўчая праца. Школьнікі наведвалі краязнаўчы музей, Бабруйскую крэпасць, чыталі гістарычную літаратуру. Гэты конкурс накіраваны на выхаванне патрыятызму, любові да роднай зямлі.
Узброіўшыся ведамі і кемлівасцю, юныя краязнаўцы адправіліся ў займальнае падарожжа па Бабруйскай крэпасці.. Падчас конкурсу ім трэба было адгадаць аб'екты гэтага культурна-гістарычнага помніка.. Кожнай камандзе давалася па шэсць аб'ектаў. Справіцца з заданнямі трэба было аператыўна і правільна. Па выніках конкурсу першае месца заняла каманда 30-й сярэдняй школы., другое - 31-я школа, і трэцяе дасталася вучням гімназіі № 2. Каманды атрымалі граматы аддзела адукацыі Бабруйскага гарвыканкама.
Дзякуем хлопцам за актыўны ўдзел у конкурсе і жадаем ім перамогі ў наступным годзе.!







































